Akarere ka Nyanza gafatanyije n’Umuryango w’Abarokotse Jenoside yakorewe Abatutsi mu 1994 bo mu Mayaga (OSRGM); bateguye umuganda rusanjye, uzabera mumurenge wa Muyira Kuwa 30/03/2019. Muri uyu muganda, hateganyijwe gutangiza igikorwa cyo gutunganya imibiri y’abatutsi bishwe muri 1994, bashyinguwe mu buryo budashimishije mu mirenge itandukanye igize agace k’amayaga ya Nyanza, ariyo: Kibilizi, Ntyazo, Busoro, Muyira na Kigoma igice cyari icya Mulinja kuko abandi bashyinguwe mu Urwibutso rwa Nyanza.
Iki gikorwa cyo gutunganya imibiri kizatangirira ku rwibutso rwa Nyamiyaga mu murenge wa Muyira, rushyinguwemo imibiri igera 26,000, nyuma gikomereze mu zindi nzibutso aho imibiri yose iteganijwe kwimurirwa mu rwibutso rushya ruri kubakwa i Nyamiyaga igera ku bihumbi mirongo icyenda (90.000).
Igikorwa cyo gutangira gushyingura mu cyubahiro iyi mibiri giteganijwe kuwa 30/06/2019 mu urwibutso rushya ruri kubakwa i Nyamiyaga, mu murenge wa Muyira. Uru rwibutso ruri kubakwa n’Akarere ka Nyanza kubufatanye n’umuryango wa OSRGM. Akarere kakaba ariko gafiteho uruhare runini cyane mu kubaka uru rwibutso. Rukaba ruzatwara akayabo k’amafaranga y’urwanda agera kuri Miliyoni 350. Uru rwibutso rukaba ruzaba rugizwe n’ibice bibiri Aho bazashyingura n’ikindi gice cy’ inzu y’amateka.
Uyu muganda uteganyijwe Tariki ya 30 Werurwe 2019, ukaba uzitabirwa n’abaturage batuye akarere ka Nyanza cyane cyane abafite ababo bashyinguye muri ibyo bice, Minisiteri y’Urubyiruko , Inama y’igihugu y’urubyiruko ,GAER na AERG mu bikorwa byateganyijwe muri AERG/GAERG week, ndetse n’Urubyiruko rwacitse ku icumu rya Genoside yakorewe abatutsi muri Mata 1994 rwibumbiye mu itsinda ry’Amashami yashibutse ku Mmayaga ya Nyanza ruhererye mubice bitandukanye by’Igihugu
Mutuyimana Emmanuel
