Rurageretse hagati y’abanyamakuru Mihigo Saddam na Niyibizi Aime n’ikinyamakuru IGIHE aho aba banyamakuru bagishinja gukwirakwiza amakuru badagazeho y’uko bamaze gusinya kuri Fine Fm.
Kuri uyu wa Kabiri tariki ya 31/12/2024, ikinyamakuru Igihe cyatangaje ko abanyamakuru Mihigo Saddam na Niyibizi Aimé berekeje kuri Fine FM mu kiganiro Urukiko rw’Ubujurire.
Nyuma y’ayo makuru, Mihigo Saddam yahise ayanyomoza avuga ko amakuru yatangajwe atari yo kandi ko batigeze bahura n’abayobozi ba Fine Fm.
Yifashishije imbugankoranyambaga ze Mihigo Saddam yanditse ati: “Dear @igiheofficial na @igihesport kuki mukora ibintu nk’ibi mudahagazeho muba mugamije iki muri macye? Uwabahaye aya makuru mumubaze abereke aho navuganiye nawe.”
Akomeza avuga ko yitandukanyije n’ayo makuru ashimangira ko akiri umukozi wa Radio Umwezi FM, aho asanzwe akorera.
Yagize ati: “Nitandukanyije n’aya makuru ku mugaragaro. Ndi umukozi wa @umwezi_95.3fm 95.3 by’igihe kirekire.”
Si Mihigo Sadamm wahakanye aya makuru wenyi ahubwo na Niyibizi Aime yayahakanye yivuye inyuma avuga ko ari “Amakuru y’ibinyoma.”
Nyuma y’ubw butumwa, ikinyamakuru Igihe cyasubije ko amakuru cyatangaje cyayahawe n’abakozi ba Fine FM, ati: “Amakuru IGIHE ikesha bamwe mu bo kuri FINE FM, yemeza ko bamaze kumvikana n’aba banyamakuru bombi.”
