Umutwe wa M23 kuri uyu wa Kabiri waramukiye mu mirwano ikomeye n’ihuriro ry’ingabo za Leta ya Repubulika Iharanira Demokarasi ya Congo, mu bice bitandukanye by’Intara ya Kivu y’Amajyepfo.
Amakuru avuga ko kuri uyu wa Kabiri M23 yigaruriye Centre ya Rusuku, ugana Baraka.
Usibye imirwano yo mu Minembwe, amakuru kandi avuga ko inyeshyamba za Gen Sultani Makenga zaramutse zirwanira n’ihuriro ry’ingabo za Leta i Nyangezi.
Amakuru avuga ko ingabo za Leta na Wazalendo bateye ibirindiro bya M23 biherereye muri kariya gace kari mu bilometero bibarirwa muri 20 uvuye i Bukavu; mbere y’uko itangira kurasana na bo.
Bivugwa ko nyuma y’amasaha menshi M23 yaba yirukanwe muri Centre ya Munya inazwi nka Nyangezi-Centre.
Ingabo za Leta kandi zirashinjwa kwicira i Nyangezi abaturage b’Abanyamulenge bari mu rusengero n’abarimo barahinga.
