Kuri uyu wa Kane, itariki 10 Mata 2025, Umuyobozi w’ishyaka ritavuga rumwe n’ubutegetsi bwa Tanzania, Tundu Lissu, yashinjwe icyaha cy’ubuhemu cyangwa ubugambanyi, gishobora guhanishwa igihano kiruta ibindi, kubera ibisobanuro yatanze mu cyumweru gishize abashinjacyaha bavuze ko yahamagariye abaturage gutangiza imyivumbagatanyo no guhagarika amatora ateganijwe muri uyu mwaka.
Ibirego Lissu, umuyobozi w’ishyaka rikomeye ritavuga rumwe n’ubutegetsi CHADEMA wabaye uwa kabiri mu matora y’umukuru w’igihugu ya 2020, ngo bishobora gukururira ibirego byo guhonyora uburenganzira bwa muntu Perezida Samia Suluhu Hassan mu gihe azaba yifuza kongera gutorwa.
Lissu yatawe muri yombi ku wa Gatatu nyuma y’imyigaragambyo yabereye mu majyepfo y’iburengerazuba bwa Ruvuma.
