Mu buzima bw’abashakanye cyangwa abakundana, amagambo y’urukundo afite imbaraga zidasanzwe mu kubaka icyizere, gufasha mu bihe bigoye no gutuma urukundo ruramba.
Abahanga mu mibanire bemeza ko amagambo meza abwirwa umukunzi ashobora kurushaho gukomeza umubano, cyane cyane ku bagore, kuko bagira umutima wumva vuba kandi bakunda kwitabwaho mu buryo bw’amarangamutima.
Dore amwe mu magambo akundwa kandi yaryohera amatwi y’abagore:
1. “Iyo uza kuba ikiyaga, sinari gushaka ubutaka.” Iri jambo ryerekana uko umuntu yakwemera umukunzi we uko ari kose, kandi akamushyira imbere ya byose.
2. “Sinita uko ibintu bingana iyo ndi kumwe nawe.” Ubutumwa buvuga ko kuba hamwe bifite agaciro kurusha ibindi byose.
3. “Nkunda inseko yawe, irenze kure ubwiza bw’inyenyeri.” Amagambo nk’aya atuma umugore yisanga ari uw’agaciro.
4. “Ntabwo nigeze ngerageza kukwibagirwa, kuko sinshaka kubikora.” Iri jambo rirashimangira urukundo rudashira.
Kwibuka kubwira umukunzi wawe amagambo yuje urugwiro n’icyubahiro ni imwe mu ntwaro ikomeye mu gukomeza urukundo. Nubwo amagambo atari yo gusa yubaka urugo, afite uruhare runini mu gutuma umutima unezerwa, urukundo rukaramba, kandi amahoro akaganza.
Urukundo si amagambo gusa, ariko amagambo ni ururimi rw’umutima.
