Umuraperi w’Umunyamerika, French Montana w’imyaka 40, yamaze kwambika impeta y’urukundo Sheikha Mahra, Umwamikazi w’i Dubai ufite imyaka 31. Ibi byatangajwe na TMZ.
Aba bombi batangaje urukundo rwabo muri Kamena 2025, hashize amezi make Mahra atandukanye n’umugabo we wa mbere, Sheikh Mana, umucuruzi w’Umwirabura wo muri UAE. Mahra na Mana bafitanye umwana w’umukobwa wavutse muri Gicurasi 2024.
Mu kwezi kwa Nyakanga 2024, Mahra yatangaje gatatu ku mugaragaro ko atandukanye n’umugabo we abinyujije kuri Instagram, amushinja ubusambanyi.
Yanditse ati: “Nguhaye gatanya. Nguhaye gatanya. Nguhaye gatanya. Wiyiteho. Yari uwahoze ari umugore wawe.”
Nyuma y’icyo gihe, Mahra yahaye French Montana urugendo rwihariye i Dubai, ari nabwo bivugwa ko batangiye gukundana.
Ubu bamaze kwemeza ko biyemeje gukora ubukwe.
French Montana yashakanye n’umushoramari akaba n’umuhanzi w’imideri, Nadeen Kharbouch, kuva mu 2007 kugeza mu 2014. Bombi bafitanye umuhungu, Kruz Kharbouch, ubu ufite imyaka 16.
