Kuri uyu wa Mbere, itariki 27 Ukwakira 2025, Hon. Olivier J.P. Nduhungirehe, Minisitiri w’ububanyi n’amahanga n’ubutwererane mpuzamahanga w’u Rwanda, yakiriye Abdisalam Abdi Ali, Minisitiri w’ububanyi n’amahanga n’ubutwererane mpuzamahanga wa Repubulika ya Somalia, uri i Kigali mu ruzinduko rw’iminsi ibiri.
Abaminisitiri bombi bongeye gushimangira ko umubano hagati y’u Rwanda na Repubulika y’igihugu cya Somalia ushingiye ku kubahana, icyerekezo kimwe, ndetse n’umwuka ukomeye w’ubufatanye hagati y’Abanyafurika.
Bagaragaje ko uru ruzinduko rw’akazi rugaragaza igika gishya mu gushimangira umubano w’ibihugu byombi no kurushaho kunoza ubufatanye mu nzego zose z’inyungu ku mpande zombi.
Abaminisitiri bishimiye ingaruka nziza z’ubufatanye buriho mu nzego zitandukanye, harimo inama za politiki, guteza imbere ishoramari, no mu bya polisi, ndetse n’igisirikare.
Abaminisitiri bashyize umukono ku masezerano rusange y’ubutwererane kandi bemera ko kwihutisha imikorere yayo hashyirwaho Komisiyo ihoraho (JPC) ishinzwe kugenzura ishyirwa mu bikorwa ry’imikoranire isanzweho, no kumenya ahandi haba ubufatanye, nko mu butabera, uburezi, ubuhinzi, ICT, ndetse n’ubufasha mu by’amategeko, n’ibindi.
