Nshuti Muheto Divine, wabaye Nyampinga w’u Rwanda mu 2022, yagaragaje urukundo n’ishimwe kuri se, ACP Muheto Francis, washyizwe mu kiruhuko cy’izabukuru hamwe n’abandi bapolisi 74.
Ku mugoroba wo ku wa Kabiri ni bwo Polisi y’u Rwanda yatangaje urutonde rw’abagiye mu kiruhuko, barimo ba komiseri ACP Sam Rumanzi na ACP Muheto Francis.
Mu butumwa yanyujije ku mbuga nkoranyambaga, Miss Muheto Divine yagaragaje ko yishimira intambwe se agezeho, agira ati: “Ikiruhuko cyiza papa. Uri ishema ryanjye iteka ryose. Urakoze!”
ACP Muheto Francis yabaye umuyobozi wa Polisi mu Ntara y’Amajyaruguru, nyuma yahawe inshingano zo kuyobora ishami rishinzwe umutekano ku mipaka. Mu 2024, yoherejwe gukorera muri Mozambique mu Ntara ya Cabo Delgado mu butumwa bwo kurwanya iterabwoba.
