Somalia yungutse abasirikare bashya 2900 batorejwe mu kigo gitorezwamo misiyo zihariye za gisirikare cya Butiaba mu burengerazuba bwa Uganda.
Nk’uko Perezida wa Uganda, Yoweri Museveni, yabitangaje kuri uyu wa 19 Werurwe 2023, igikorwa cyo gusoza amasomo ya gisirikare k’uru rubyiruko cyayobowe na mugenzi we uyobora Somalia, Hassan Sheikh Mohamud.
Museveni asobanura ko urubyiruko rwo muri Somalia rwatorezwaga mu kigo cya gisirikare rwaturutse ahantu hatandukanye harimo i Londres mu Bwongereza, Nairobi muri Kenya n’ahandi.
Mohamud mu ijambo rye, yashimiye Uganda ku bw’uruhare ikomeje kugira mu kugarura amahoro muri Somalia yugarijwe n’ibikorwa by’iterabwoba by’umutwe wa Al Shabaab.
Aba bakuru b’ibihugu byombi baremeza ko ubumenyi uru rubyiruko rwakuye muri aya masomo ruzabukoresha rurinda igihugu cyarwo.
