Kuri iki cyumweru tariki 14 Gashyantare 2016, nibwo habaye umuhango wo gutoranya abakobwa 15 bakomeza mu irushanwa rya Miss Rwanda 2016.
Abakobwa 24 bari bitabiriye iri rushanwa bagiye batambuka imbere y’akanama nkemurampaka, banabazwa ibibazo bakabisubiza, biza kurangira 15 babashije gukomeza abandi 9 barasezererwa.
Uwo muhango wabereye i Remera kuri stade (petit stade) ahagana saa 19h 00 ukaba wari witabiriwe n’abatari bake.
Kuri iyi inshuro abagize akanama nkemurampaka bari bahindutse kuko habashije kwiyongeraho abandi ugereranyije n’uko byari bimeze mu majonjora y’abahagarariye intara zose n’umujyi wa Kigali.
Nyuma ya Mugabushaka Chantal bakunda kwita Eminente na Mike Karangwa bari basanzwe bamenyerewe muri iki gikorwa, hiyongereyemo Branche majoro, Josee Kabagema na Jacques mu gihe miss Rusaro Carine nawe wari umenyerewe muri ako kanama nkemurampaka atabashije kuboneka dore ko kuri uyu wa gatandatu yari yasabwe aranakobwa.
Abo bakobwa bose bakimara kwitegura babwiwe ko buri mu kobwa wese azajya abazwa ibibazo bibiri, ikibazo kimwe akakibazwa mu Kinyarwanda naho icya kabiri akakibazwa mu ndimi z’amahanga haba mu cyongereza cyangwa mu gifaransa ubazwa agasubiza mu rurimi rumwe ashaka muri izo ndimi.
Nyuma yo kubaza abakobwa bose, 15 nibo babashije gukomeza muri iri rushanwa ndetse bahita bajyanwa muri hoteli Golden Tulip iherereye i Bugesera, ku italiki ya 27 Gashyantare bazatoranywemo Miss Rwanda 2016 n’ibisonga bye.
Abakobwa 15 batsinze ni:
Umuhoza Shariffa
Umutoni Balbine
Jane Mutoni
Jolly Mutesi
Vanessa Mpogazi
Peace Kwizera Ndaruhuhtse
Arianne Uwimana
Rangira Marie d’Amour
Solange Uwamahoro
Cyinthia Umutoniwabo
Delyla Akili
Doreen Umuhoza
Eduige Mutesi
Sheilla Mujyambere
Eduige Isimbi
Abakobwa 9 basezerewe ni:
Nickita Kaneza
Usanase Umuhumuriza Samantha
Pascaline Umutoni
Fiona Doreen Ashimwe
Nasra Bitariho
Olive Munezero
Sandrine Ikirezi
Abi Gaelle Gisubizo
Ange Karigirwa
Kanda hano ujye ubona amakuru yihuse kandi kugihe kuri Facebook no kuri twitter
Ndacyayisenga Fred@bwiza.com
