Abakuru b’ibihugu bya Afurika batandukanye bagiye bavugwaho kunyereza imitungo y’igihugu bakajya kuyibitsa mu mabanki y’I Bulayi abandi bayaguraho ibikoresho by’abagashize. Muri ibi bikoresho harimo imodoka zihenze ndetse n’indege zihenze cyane. Iyi nkuru iribanda ku ndege z’abagashize aba baperezida bagenderamo nk’uko tubikesha ikinyamakuru Africa Cadle.
- Angola President’s Plane (Embraer ERJ-135)
Iyi ndege igendwamo na Perezida wa Angola Eduardo De Santos iri mu bwoko bwa Embraer ERJ-135. Ikaba igura akayabo ka Miliyoni 16 z’amadorali y’abanyamerika.
Iyi ndege kandi yakorewe mu gihugu cya Brazil, izwiho kunyaruka kuko igenda ku muvuduko w’ibilometero 834 ku isaha (834Km/h)
- South Africa Presidential Plane (C130)
Iyi ndege igendwamo na Perezida wa Afurika y’epfo Jacob Zuma, ngo ni indege nziza inakundwa n’abayobozi b’iki gihugu, ariko bikaba bivugwa ko yaba igiye gusimbuzwa indi ndege yo mu bwoko bwa Boeing 777.
- Kenya President’s Jet (Fokker 70)
Iyi ndege yo mu bwoko bwa Fokker 70 igendwamo na Perezida Uhuru Kenyatta, itwara abantu 25 gusa ikaba igenda ku muvuduko w’ibilometero 845 ku isaha, ikaba yaraguzwe Miliyoni 20 z’amadorali.
- Ghana President’s Official Plane (Falcon 900 Ex Easy)
Indege Falcon 900 Ex Easy igendwamo na Perezida wa Ghana John Dramani Mahama nayo iri mu ndege zigendwamo n’abakuru b’ibihugu bya Afurika ihenze kuko igura Miliyoni 37 z’amadorali.
- Egypt Presidential Plane (Air Bus A340)
Air Bus A340 igendamo perezida wa Misiri Abdel Fattah al-Sissi ifite umwihariko wo kudakangwa n’imisozi n’inyanja, ikaba ifite uburebure bwa metero 75,ifite ubuhagarike bwa metro 17.22.
- Libya Presidents Jet (A340)
Indege igendwamo na Perezida wa Libya nayo yihariye ibintu byinshi birimo kuba ifitemo igikoni, ubwogero, uburyamo n’ibindi. Ibi bivuga ko uyu mukuru w’iki gihugu ashobora kwibwera muri yi ndege igihe kitari gito.
Iyi ndege ikaba igendera ku muvuduko w’ibilometero 850 ku isaha, ikaba igura akayabo ka miliyoni 411 z’amadorali.
- Algeria President’s Plane (A340-500)
Iyi ndege ya Perezida wa Algeriya Abdelaziz Bouteflika nayo yihariye kuba ifitemo uburyamo n’ibindi bintu nkenerwa. Ikaba igenda amasaha 14 nta guhagarara.
- Nigeria President Official Plane (Boeing 737)
Iyi ndege yari isanzwe igendwamo na Perezida Good luck Jonathan igura kayabo ka Miliyoni 390 z’amadorali y’abanyamerika.
- Zimbabwe Presidential Jet (Boeing 767)
Iyi ndege igendwamo n’umukambwe Robert Mugabe wa Zimbabwe iri mu ndege zinyaruka ku isi kuko igendera ku muvuduko wa kilometer 858 ku isaha. Ikaba igura miliyoni 400 z’amadorali ya Amerika.
1.Morocco King’s Plane (Boeing 747-400)
Iyi ndege igendwamo n’umwami wa igihugu cya Morocco Mohammed VI igura akayabo ka miliyoni 450 z’amadorali, ikaba yihariye kuba irimo icyumba cy’uburiro, icyumba cy’inama, n’icyumba cya Cinema.
Kanda hano ujye ubona amakuru yihuse kandi kugihe kuri Facebook no kuri twitter
Alphonse Munyankindi / Bwiza.com
