Gari la shule la Ecole Les Poussins, lililoko Gikondo katika Wilaya ya Kicukiro, lilihusika kwenye ajali siku ya Jumatano majira ya saa kumi na moja jioni, baada ya kugonga wanafunzi wanne wa shule ya G.S Kimisange waliokuwa wakitembea kandokando ya barabara.
Taarifa za awali zinaonyesha kuwa huenda gari hilo lilipata hitilafu ya breki, jambo lililosababisha kuwaparamia wanafunzi na kuwajeruhi vibaya baadhi yao. Watu wengine waliokuwa ndani ya gari pia walipata majeraha ya aina mbalimbali.
Msemaji wa Jeshi la Polisi la Rwanda, ACP Boniface Rutikanga, aliiambia vyombo vya habari kuwa polisi walifika eneo la tukio haraka na kuwapeleka majeruhi hospitalini.
ACP Rutikanga alisema:
“Wapo waliojeruhiwa vibaya, lakini wote wanapatiwa huduma za afya,” na kuongeza kuwa uchunguzi unaendelea ili kubaini chanzo halisi cha ajali hiyo. Wanafunzi waliojeruhiwa wanaendelea kufuatiliwa na huduma za afya pamoja na vyombo vya usalama.
