Ikipe y’Igihugu ‘Amavubi’ yamaze gutegura umukino wa gicuti na The Walia ya Ethiopia, mbere yo guhura na Les Guépards ya Bénin mu mikino ibiri yo gushaka itike y’Igikombe cya Afurika kizabera muri Côte d’Ivoire.
Ku itariki ya 22 Werurwe ni bwo Amavubi azahurira na Bénin mu mukino ubanza wo mu itsinda L uzabera kuri Stade de l’Amitié i Cotonou, mbere y’iminsi itanu ngo amakipe yombi ahurire m’uwo kwishyura uzabera kuri Stade Mpuzamahanga ya Huye.
Amavubi kuri ubu ari ku mwanya wa gatatu mu tsinda n’inota rimwe, nyuma yo kugwa miswi na Mozambique igitego 1-1 akanatsindwa na Sénégal igitego 1-0.
Kugeza ubu Bénin ni yo ya nyuma mu tsinda amakipe yombi ahuriyemo.
Mbere y’uko amakipe yombi yisobanura mu cyumweru gitaha, Amavubi yamaze yamaze gutangira umwiherero yateguye umukino wa gicuti na Ethiopia bazahurira i Addis-Abeba ku Cyumweru tariki ya 19 Werurwe.
Nyuma y’uyu mukino ni bwo iyi kipe y’umutoza Carlos Alos Ferrer izahaguruka i Addis-Abeba yerekeza i Cotonou.
Urutonde rw’abakinnyi 30 umutoza Carlos Ferrer yahamagaye
