Ikipe y’Igihugu ‘Amavubi’ yatsinzwe na Les Fennecs ya Algérie ibitego 2-0, mu mukino wa gicuti wo kwitegura imikino y’amatsinda yo gushaka itike y’igikombe cy’Isi. .
Ni umukino wabaye ku mugoroba wo kuri kuri uyu wa kane, tariki ya 5 Kamena 2025, wabereye mu Mujyi wa Constantine muri Algérie aho Ikipe ya Algérie yagaragaje ko iri hejuru cyane mu mikinire kurusha u Rwanda.
Algérie yafunguye amazamu ku munota wa 27, ku gitego cyatsinzwe na Youcef Belaïli n’umutwe nyuma y’umupira wahinduwe na Hicham Boudaoui abanje gucenga Niyigena Clément.
Ku munota wa 58, Algérie na none yabonye igitego cya kabiri cyatsinzwe na Hadjam Jaouen ubwo Omborenga Fitina yananirwaga guhagarika umupira wari utewe mu rubuga rw’amahina.
Abakinnyi babanje mu kibuga ku ruhande rwa Algerie ni: Benbot, Tougai, Bensebaini, Atal, Hadjam, Bentaleb, Boudaoui, Maza, Mahrez (c), Belaïli na Bounedjah.
Naho ku ruhande rw’u Rwanda ababanjemo ni: Ntwari, Omborenga, Niyomugabo, Niyigena, Mutsinzi, Ngwabije, Kavita, Bizimana, Gilbert, Aly-Enzo na Kagere.
Ikiye y’igihugu cy’u Rwanda Amavubi azongera gukina undi mukino wa gicuti uzayahuza n’Ikipe y’Igihugu ya Algérie y’abakina imbere mu gihugu ku wa Mbere, tariki ya 9 Kamena 2025.
One Response
“amavubi gutsindwa” niyo nkuru ihiraho? academies zacu zubuze iki?