Ikipe y’Igihugu ‘Amavubi’ yatsinze Police FC igitego 1-0, mu mukino wa gicuti amakipe yombi yahuriyemo kuri uyu wa Gatandatu.
Ni umukino wabereye ku kibuga cy’imyitozo cya Stade Amahoro.
Igitego cya Ruboneka Jean Bosco usanzwe akinira APR FC ni cyo cyatandukanyije impande zombi muri uyu mukino w’iminota 50.
Ni umukino umutoza Torsten Frank Spittler yakoreshejemo abakinnyi biganjemo ab’ikipe ya kabiri.
Amavubi akomeje kwitegura Super Eagles ya Nigeria bazahurira kuri Stade Amahoro i Remera, mu mukino wa kabiri wo mu tsinda D mu ijonjora ryo gushaka itike y’Igikombe cya Afurika cya 2025 kizabera muri Maroc.
Ni nyuma y’uwa mbere wo mu tsinda iyi kipe iheruka kugwamo miswi na Libya igitego 1-1.
