Umushyushyarugamba akaba n’Umunyamakuru wa Magic FM, Anita Pendo atangaza ko yikomye umunyamakuru wa TV10, Hirwa Redemptus ukora mu bijyanye n’imyidagaduro watangaje ko yafashe mu mashati, Umunyamakuru wa Radiyo Isango Star, Phil Peter.
Mu kiganiro cyo kuri uyu wa Mbere tariki ya 4 Werurwe 2019, Anita Pendo ntiyahakanye ko atakoze ku ijosi rya Phil Peter ariko yahakanye yivuye inyuma ko atafashe mu mashati Phil Peter kuko ngo byari imikino.
Ati “ Tipe nijoro yitonde, namurebaga, afate videwo twazishyizeho twikinira. Urebye videwo irimo amaburage menshi, iya mbere twari duhagaze, Phil Peter agiye gufotora, mpagararanye na Lenzo,kumbe arafata videwo, ibyo biba birarangiye turaseka. Hanyuma turangije, turimo kwikinira ariko na Phil Peter,mufata gutya mu ijosi, ukurikiranye videwo wabonako turimo guseka twese,”
Akomeza agira ati “ Indi Kate arimo kunkurura ukuboko, mukwepa [hhh] ariko ubona ko ari ibintu bya burage. Ariko tipe [Hirwa Redemptus ] yarangije yabigize ibintu bya hatari, ngo nafataga mu ijosi, blah, blah,blah. Umva man, njyewe reka nkubwize ukuri, sibyo. Izindi nkuru wakoze ntacyo zintwaye ariko iriya nayicishijemo ijisho umugani wa Eric Semuhungu.”
Anita kandi hari icyo yibukije mugenzi we, ati “ Iriya nayicishijemo ijisho kabsa. Jya ubanza urebe ibintu ugiye gutangaza. I understand [ndabyumva] ubikora kugira ngo may be[ ahari] abantu uzi ngo urimo uraryohereza abafana, ariko sometimes [rimwe na rimwe] hari n’ababa babireba, aho ukuri guherereye.”
Bwiza.com yatereye akajisho ku rukuta rwa instagram rwa Phil Peter kugira ngo irebe ko izi videwo ebyiri zavuzwe na Anitha Pendo zihari, ibona videwo imwe igaragaza Anita Pendo yifotozanya na Lenzo ariko iya kabiri ntiyari ihari.
Umunyamakuru Hirwa Redemptus mu kiganiro kuri telefoni na Bwiza.com ku murongo wa telefoni yatangaje ko ntacyo yatangaza ku kuba Anitha Pendo amushinja gufata ibyabaye akabigira ibya hatari.
Ati ” Nta kintu nkubwira kuri ibyo ngibyo, nta kintu nigeze mvuga kirenze, nshobora kukumvisha ibyo navuze ukumva ko bitandukanye cyane. Njyewe rero ntabwo nigeze nkabya.”
Umwe mu bakurikiranira hafi iby’imyidagaduro mu Rwanda utashatse ko amazina ye atangazwa, yadutangarije ko mu gitondo cyo kuri uyu wa Mbere tariki ya 4 Werurwe 2019 yabonye izi videwo uko ari ebyiri. Yemeje ko imwe igaragaramo Kate akurura Anitha Pendo ukuboko yasibwe.
[penci_related_posts dis_pview=”no” dis_pdate=”no” title=”Izindi nkuru wasoma” background=”” border=”” thumbright=”no” number=”4″ style=”list” align=”none” withids=”” displayby=”recent_posts” orderby=”rand”]
N’ubwo Anita avuga ko harimo burage, uyu yadutangarije ko yabonye harimo gushyamirana.
