Kuri uyu wa Gatanu tariki ya 19 Nyakanga 2024 imikino ya 1/2 muri CECAFA Dar Port Kagame iri kubera muri Tanzania irakomeza.
Imikino yose ko ari ibiri iteganyijwe uyu munsi i Dar es salaam, muri Tanzaniya.
APR FC yo mu Rwanda iratana mu mitwe na Al Hilal (yo muri Sudani) kuri Stade KMC. Aya makipe yombi yageze aha atari yatsindwa muri iri rushanwa.
Mu mikino 3 Al Hilal yakinnye yatsinze ASAS Djibouti Telecom ibitego 2-0 mu mukino ubanza, yatsinze Red Arrows (Zambiya) ibitego 5-0 irangiza itsinda ibitego 2-0 Gor Mahia FC yo muri Kenya.
Kuri APR FC yo yatsinze Singida Black Stars FC (Tanzaniya) igitego 1-0, itsinda El Merriekh Bentiu (Sudani yepfo) igitego 1-0, nyuma yasoje inganya igitego 1-1 na SC Villa yo muri Uganda.
Umutoza wa Al Hilal, Florent Ibenge yasobanuye neza ko biyemeje kurenga kimwe cya kabiri kirangiza bakagera ku mukino wa nyuma. Ati: “Turashonje kugenda inzira zose tugerageza gutwara Igikombe. Ikipe irashishikaye cyane kandi turiteguye ”
Umutoza wa APR FC, Darko Novic winjiye muri iyi kipe mu kwezi gushize yasobanuye neza ko gukina na Al Hilal bizaba ari akazi katoroshye.
Ati: “Bishimiye guhatana neza kandi batsinze imikino yabo yose uko ari itatu mu itsinda. Ariko turateganya gukora uko bikwiye kuko twarebye imikino imwe n’imwe kandi tuzi icyo tugomba kwitega.”
Undi mukino wa kimwe cya kabiri kirangiza urahuza Hay Al Wadi Red Red Arrows FC kuri Azam Complex, Chamazi.
Biteganyijwe ko uzegukana iki gikombe azatwara amadolari ya Amerika $30, 000 [39,441,660 Frw] abegukana umwanya wa Kabiri bazatwara 20.000 [29,441,660 Frw] nkaho uwa gatatu azacyura $10,00 [19,441,660 Frw] 
