Amakipe arimo Arsenal yo mu gihugu cy’ Ubwongereza na Bayern Munich yo mu gihugu cy’Ubudage, yifatanyije n’u Rwanda mu Kwibuka ku nshuro ya 30 Jenoside yakorewe Abatutsi mu 1994.
Mu butumwa aya makipe yombi yanyujije ku nkuta zayo za X yahoze yitwa Twitter, yagaragaje ko yifatanyije n’Abanyarwanda muri ibi bihe bitoroshye by’iminsi 100 yo Kwibuka ku nshuro ya 30. ni amakipe yombi asanzwe afitanye umubano wihariye n’Igihugu cy’u Rwanda, binyuze muri Visit Rwanda aho aya makipe yamamaza ubukerarugendo rw’u Rwanda, ku masitade akiniraho ndetse akanambara Visit Rwanda ku myambaro yayo.
Ikipe ya Bayern Munich yanditse ubutumwa bugira buti “Uyu munsi twifatanyije n’abanyarwanda mu Kwibuka ku nshuro ya 30, ari nako twishimira iterambere n’impinduka z’aho Igihugu kimaze kugera mu myaka 30.”
Abakinnyi b’iyi kipe babinyujije mu butumwa bw’amasegonda 55, bakaba bagaragaye mu mashusho bavuga ari magambo twagarutseho haruguru.
🕯ï¸ðŸ‡·ðŸ‡¼ “Kwibuka” means “to remember”.
Today, we stand together with the people of Rwanda to mark #Kwibuka30 and pay tribute to the country's transformation over the past 30 years. @visitrwanda_now#FCBayern #Advertisement pic.twitter.com/3GtdVRWAxA
— FC Bayern Munich (@FCBayernEN) April 7, 2024
Ikipe ya Arsenal nayo isanzwe ifitanye imikoranire n’u Rwanda, binyuze muri Visit Rwanda nayo yifatanyije n’u Rwanda.
Binyuze mu bakinnyi n’abahoze bakinira iyi kipe yo mu Bwongereza, mu butumwa banyujije ku rukuta rwa X bihanganishije u Rwanda, ndetse basaba abakiri bato gukora cyane.
Ubutumwa bugira buti “Uyu munsi turibuka ku nshuro ya 30 Jenoside yakorewe Abatutsi. Mu rugendo mperuka kugirira mu Rwanda (Timber ukinira iyi kipe), nize byinshi bijyanye n’aya mateka. Byari agahinda gakomeye kubona ibyo abantu banyuzemo. Nabonye ibihe bikomeye abarokotse banyuzemo binkora ku mutima cyane.”
Bakomeje basaba urubyiruko gushyira hamwe ndetse no kugira intego zo gukabya inzozi zabo.
Ati “Ubutumwa bwanjye ku bana b’i Nyagatare na AS Kigali, ni ugukomeza gukora cyane, kunga ubumwe, kudacika intege, kwiyizera ndetse no gukomeza gukorera gukabya inzozi kuko nicyo kintu cyiza umuntu yatunga mu mutima we.”
Arsenal ifitanye umubano n’u Rwanda kuko kuva muri Gicurasi 2018 Urwego rw’Igihugu rw’Iterambere (RDB) rwinjiye mu bufatanye n’iyi kipe ya Arsenal FC yo muri Premier League, u Rwanda ruyibera umuterankunga wa mbere ku maboko y’imipira, aho yambara ‘Visit Rwanda’ ku kuboko kw’ibumoso ku ikipe nkuru, iy’abatarengeje imyaka 23 no mu ikipe y’abagore.
🕯︔'Kwibuka’ means ‘to remember'.”
Today, we stand with the people of Rwanda to mark the 30th commemoration of the 1994 Genocide against the Tutsi.
🇷🇼 Our players and legends reflect on their time visiting Rwanda and learning about its history.@visitrwanda_now pic.twitter.com/hRtL5fyWYW
— Arsenal (@Arsenal) April 7, 2024
