Umunyamakuru akaba n’umuyobozi wa Radio RPA ikorera mu buhungiro Bob Rugurika, avuga ko abantu bashyigikiye ishyaka CNDD-FDD mu matora yise ay’ubusambo ari abahemu kandi ko bahemukiye Abarundi.
Kubwa Bob Rugurika, imbaraga z’abaturage n’umuheto ni byonyine bisigaye kuba byakoreshwa mu gukuraho ubutegetsi bwa CNDD-FDD.
Mu kiganiro “Ijambo ni rwawe’’ giheruka gutambuka kuri Radio RPA Rugurika abereye umuyobozi, uyu munyamakuru yanenze cyane abantu bemeye gushyigikira ubutegetsi bwa CNDD-FDD mu matora ahamya ko y’aranzwe n’ ubujura.
Yavuze ko urebye ukuntu guhera muri 2010 CNDD-FDD yakomeje kugenda yiba amajwi mu matora kugeza muri 2020, byari gutuma nta munyepolitike n’ umwe wari kuba atekereza gushyigikira iryo shyaka “mu matora atagize icyo amariye Abarundi.”
Uyu munyamakuru akaba avuga ko abashyigikiye CNDD-FDD mu matora yaranzwe n’ ubujura gusa ari abahemu kuko bahemukiye abarundi bakaba bagikomeje gutsikamirwa n’ingoma mbi ya CNDD-FDD iyobowe na Evariste Ndayishimiye.
Nkuko Bob Ruburika akomeza abisobanura, avuga ko ubutegetsi bwose butsikamira abaturage nk’ubwa CNDD-FDD mu bihugu byose bukurwaho n’ intambara cyangwa abaturage bagahagurukira rimwe bakayamagana.
Mu matora y’ abadepite n’ abayobozi b’ amakomini yabaye tariki 5 Kamen 2025 abatavuga rumwe na Leta ndetse na zimwe mu ndorerezi bavuze ko yaranzwe n’inenge nyinshi ziyatesha agaciro kuko atabaye mu mucyo.
Bivugwa ko hari aho imbonerakure zahatiraga abaturage gutora abo bashaka babasanze mu byumba byitora, abandi bagasanga bamaze ubatorera ndetse no guhohotera bamwe mubatavugarumwe n’ ubutegetsi bwa CNDD-FDD.
