Kuwa Gatandatu tariki ya 07 Ukuboza 2024 , mu karere ka Bugesera , nibwo abanyeshuri bagera ku 158 basoje amasomo y’imyuga bigishijwe k’ ubuntu k’ubufatanye bwa Africa for Excellence Mission, Hotel Talents Pool hamwe na Ahava Temple, bakaba bishimira ko imibereho igiye guhinduka no kwiteza imbere.
Uru rubyiruko rugera kuri 158 bize imyuga amezi 9, aho abagera kuri 70 bigiye muri itorero Ahava, bigira k’ubuntu, babitewemo inkunga n’uwo muryango, uyobowe na Pastor Christian Gisanura. Muri abo, 30 bize gukanika imodoka n’amategeko y’umuhanda, 20 bize ibijyanye n’imisatsi, n’aho 20 bize ibijyanye no kudoda.
Abandi 88 bize iby’amahoteri, kandi bigiye mu kigo cya Hotel Talents Pool, ishami rya Nyamata, aho abanyeshuri bishyuye igice cya school fees, ikindi cyatewe inkunga na Africa for Excellence Mission. Muri abo, 40 bize gukora amakawa (Barista), 25 bize ibijyanye no guteka (Culinary arts), naho 23 bize ibijyanye n’amasuku yo mu byumba bya ma hoteri.
Nigena Clementine, uri mu basoje ibijyanye no gusuka muri Ahava Temple, avuga kp yahakuye ubumenyi n’ubunararibonye mu gusuka kuburyo ubu asigaye abona amafaranga amufasha m’ubuzima busanze ndetse akaba akora abika make make.
Ati “ Ubu ndakora mbika make makeya kuko nange hari igihe kizagea nkishingira iyange salon, nage nkikorera bisanzwe, ndakeka ko bizamfasha.’
Uyu asoza ashimira abayobozi b’ishuri bamufashije kwiga kugeza ubwo ahakura impamyabushobozi , akaba yizeye ko ibyo yize bizamufasha kubaho mu buzima bwe.
Sugi Violette , avuga ko impamvu yize umwuga nyuma yo kurangiza mu mashuri y’isumbuye akabona ko akeneye no kwiga umwuga bityo akaba yizeye ko ibyo yize bizamugirira umumaro.
Uwitwa UWITONZE Rebecca ati “Impamvu zatumye nza Kwiga Barista na Culinary arts, byari kugira ngo ngire ubundi bumenyi byanshibiza kuza fungura coffee shop yanjye. Aya mahugurwa yaramfashije kubona akazi, mfitiye contract, kandi ibyo bizamfasha kugera kubyo nifuza.”
Tuyizeye Agnes avuga ko kudoda kuko ari umwuga mwiza ufasha abantu kuva m’ubushomeri. Ati kandi n’umwuga wakorankugeza muzabukuru, kuko utagusaba imbaraga nyinshi, uwukora wicaye, kandi ugatanga umusaruro.
Naho Mukamusoni Epiphanie wize gukanika aravuga ko n’ubwo yize indi myuga, yasanze gukanika no gutwara ama modoka ari umwuga utazabura akazi. Uwo mwuga uzamufasha kwikorera no gutunga urugo rwe. Asoza agira inama urubyiruko kutaguma mu ngo, ahubwo gushaka imyuga izabafasha m’ubuzima, n’ubwo baba barize za kaminuza.
Umuhango wogusoza ayo mahugurwa wabaye ku tariki 07 Ukuboza, 2024, ubera mu itorero Ahava Temple (Aho 70 bigiye ), m’umudugudu wa Kabeza, Akagari ka Kanzenze, Umurenge wa Ntarama, Akarere ka Bugesera.
