Burundi: Urujijo ku rupfu rw’Abarwanyi barenga 100 biciwe mu ishyamba rya Kibira

Reba VIDEO ikurikira nibwo usobanukirwa biruseho Amakuru yizewe agera kuri Bwiza Media yemeza ko mu gihugu cy’Uburundi bari mu kiriyo kivanze n’urujijo nyuma y’aho abasirikare barenga 100 b’icyo gihugu hamwe n’ab’izindi nyeshyamba zabiyunzeho basanzwe bishwe.

Leta y’Uburundi ntiremeza cyangwa ngo ihakane aya makuru icyakora amasoko yacu yatwemeje ko imirambo y’aba basirikare kuri ubu iri mu bitaro bya gisirikare. Abishwe ngo “Barimo abo mu ngabo za Leta y’Uburundi (FDNB), abarwanyi bo mu nyeshyamba za FDLR zirwanya ubutegetsi bw’u Rwanda, abo mu mbonerakure, ndetse n’abandi.

Birakekwa ko abo bose bari bari muri iri shyamba rya Kibira mu mugambi wa Leta y’Uburundi wo gukomeza guhuriza hamwe abarwanyi bayifasha muri gahunda yo kugaba ibitero ku gihugu cy’u Rwanda. Abasesenguzi bagakeka ko izo ngabo zishobora kuba zaba zishwe biturutse ku gusubiranamo hagati yazo.

Amakuru ava i Burundi akemeza ko Leta ikomeje gutoza abarwanyi aho ngo “Bakeneye ingabo ibihumbi 50 ziganjemo abo mu mitwe isanzwe irwanya ubutegetsi bw’u Rwanda mu rwego rwo kwitegura kurugabaho ibitero.

Si ubwa mbere muri iri shyamba habonetse imirambo y’Abasirikare kuko no muri Gicurasi uyu mwaka nabwo hari hatoraguwe imirambo igera kuri 32 yambaye impuzankano y’Ingabo za DRC.