Kuri uyu wa Kane, abategetsi b’u Bwongereza bavuze ko umuririmbyi w’Umunyamerika, Chris Brown, yatawe muri yombi akurikiranweho gukomeretsa “umubiri bikabije” nyuma y’imirwano yabereye mu kabyiniro k’i Londres muri Gashyantare 2023.
Polisi y’Umujyi wa Londres yatangaje ko uyu muhanzi w’imyaka 36 yatawe muri yombi kuri uyu wa Kane afatiwe muri hotel i Manchester ku bijyanye n’ibyabereye mu Mujyi wa Londres mu 2023.
Ikinyamakuru The Sun cyatangaje ko muri iryo joro, mu myaka irenga ibiri ishize, Chris Brown yagabye igitero ku mu producer w’umuziki witwa Abe Diaw akoresheje icupa muri club idasanzwe yitwa Tape yo mu murwa mukuru w’u Bwongereza.
Biteganyijwe ko kuri uyu wa Gatanu, itariki 16 Gicurasi 2025, Chris Brown aza gushyikirizwa urukiko rw’umucamanza akiregura ku cyaha ashinjwa, nk’uko byatangajwe n’Igipolisi cya Londres.
