Repubulika Iharanira Demokarasi ya Congo (RDC) n’igihugu cya Turukiya byasinyanye amasezerano agamije kongera imbaraga mu guteza imbere ibijyanye n’ubusugire n’umutekano, ndetse n’ ubufatanye mu bya gisirikare hagati y’ibi bihugu byombi.
Ni amasezerano yashyizweho umukono ku wa Kabiri, tariki ya 22 Nyakanga 2025, hagati ya Repubulika Iharanira Demokarasi ya Congo (RDC) n’igihugu cya Turukiya aho ibi bihugu byombi byiyemeje gushimangira ubufatanye mu bijyanye n’umutekano n’ingabo mu nama mpuzamahanga y’inganda za gisirikare (IDEF 2025) yabereye mu murwa mukuru w’ubucuruzi wa Turukiya, Istanbul.
Ni amasezerano yasinywe hagati ya Minisitiri w’Ingabo wa RDC, Guy Kabombo Mwadiamvita, na mugenzi we wa Turukiya, Yasar Güler, Abo bayobozi bombi bagaragaje ubushake bukomeye bwo gushimangira umubano w’ibihugu byombi mu bijyanye n’igisirikari, bagendeye ku cyerekezo cy’abakuru b’ibihugu byombi, Félix Tshisekedi na Recep Tayyip Erdoğan.
Minisitiri Guy Kabombo kandi yibukije masezerano atatu y’ingenzi yashyizweho umukono i Kinshasa ku itariki ya 20 Gashyantare 2022. Akaba ari Amasezerano y’inkingi ku bufatanye mu bya gisirikare, amasezerano ku nganda zicura ibikoresho bya gisirikare na Protokole y’ubufasha bw’amafaranga
Yavuze ko aya masezerano agomba gushyirwa mu bikorwa vuba, mu buryo bwihuse kandi agakurikiranwa, bufite gahunda no gukurikiranwa, yagaragaje kandi ko hakenewe ubufatanye bwihuse bushingiye ku bikorwa bifatika.
Yibanze na none kuu ngingo enye z’ingenzi arizo: Gutanga amahugurwa yihariye ku ngabo za FARDC, kuvugurura no kongera ubushobozi bw’ gisirikare, gushyira imbere ikoranabuhanga mu bikorwa by’umutekano ndetse no gushyigikira iterambere ry’urwego rw’inganda za gisirikare muri RDC
Ubu bufatanye bushya buje mu gihe RDC ikomeje kugaragaza ubushake bwo kongera imbaraga mu bijyanye no kwiyubaka mu bya gisirikare muri gahunda igamije kongerera ingabo ubushobozi bwo guhangana n’ibibazo by’umutekano muke bikomeje kuyibasira, cyane cyane mu burasirazuba bw’igihugu.
RDC na Turukiya bongeye gushimangira ko bashaka umubano urambye ushingiye ku bwubahane no ku nyungu z’impande zombi. Ubwo bufatanye bukaba bugamije guha RDC ubushobozi bwo kwihaza mu bijyanye n’ubwirinzi no guharanira umutekano w’abaturage bayo.
Ni amasezerano azubakira kuri gahunda y’a masomo n’ubunararibonye bw’a Turukiya mu nganda za gisirikare no kubaka igisirikari kiyajegajega, kugira ngo RDC itangire urugendo rwo kugira ubwirinzi bukomeye kandi bugezweho.
