Ethiopia yahawe uruhushya rwo kuzakirira umukino, wo gushaka itike yo kuzakina Igikombe cy’Isi cya 2026 uzayihuza na Guinea-Bissau, kuri Stade Amahoro mu Kwakira.
Ethiopia iri mu bihugubifite stade zitujuje ubuziranenge mpuzamahanga ku buryo zakwakira amajonjora y’Igikombe cy’Isi.
Mu bihugu byahawe uruhushya n’Ishyirahamwe ry’Umupira w’Amaguru muri Afurika (CAF) rwo gukinina hanze y’imipaka yabyo harimo Ethiopia, ishaka itike yo gukina mu Gikombe cy’Isi kizabera muri Amerika, Mexico na Canada.
Ishyirahamwe ry’Umupira w’Amaguru mu Rwanda (FERWAFA) ntabwo rihangayikishijwe n’uko umukino wa Ethiopia uzahurirana n’umukino w’u Rwanda na Benin, kuko amatariki yatekerejweho atarimo ku itariki ya 7 Ukwakira, Ethiopia izakiniraho.
Ethiopia ni iya gatandatu mu itsinda A, riyobowe na Misiri. Bakiniye imikino yombi yabo iheruka ibiri hanze, batsinzwe na Misiri na Sierra Leone, yombi 2-0.
Ethiopia ntabwo aricyo gihugu cya mbere cyakiriye imikino yacyo mu Rwanda, kuko Zimbabwe nayo yahakiririye Nigeria kuri Stade Huye ku munsi wa kabiri w’itsinda C mu Gushyingo 2023.
Muri Gicurasi, Zimbabwe yakiriye u Rwanda kuri Stade ya Kigali Pelé mu majonjora yo gushaka itike yo kuzakina Igikombe cy’Isi cy’abatarengeje imyaka 20 cya 2024 muri Gicurasi, mu gihe Djibouti yakiriye u Rwanda kuri Stade Amahoro mu majonjora ya CHAN 2024.
