Ingawa Afrika tayari imefanya Kongamano tatu za Fifa, Alhamisi ilikuwa Kongamano la kwanza la uchaguzi barani na ilianza kwa Infantino kueleza jinsi mauaji ya halaiki ya Rwanda kwa kiasi fulani yalivyochochea jitihada zake za awali za uongozi wa Fifa. .
Akikumbuka jinsi alivyoambiwa wakati akihudhuria fainali ya Ubingwa wa Mataifa ya Afrika Februari 2016, mwezi mmoja kabla ya uchaguzi wa rais wa Fifa, kwamba FA nyingi za Kiafrika hazingemuunga mkono, alisema ziara ya kumbukumbu ya mauaji ya halaiki ya Kigali ilitoa msukumo.
“Nilijiambia, ‘Mimi ni nani niache baada ya yale ambayo nchi hii imeteseka?’, na jinsi nchi hii ilivyorudi inatia moyo kwa ulimwengu mzima, kwa hivyo sikuweza kukata tamaa,” Infantino alisema.
Uamuzi wa kuleta kongamano hilo mjini Kigali ulifurahishwa na wawakilishi wa Afrika waliohudhuria, huku mchezaji wa zamani wa kimataifa wa Nigeria, Jay-Jay Okocha, akikiita “tangazo kubwa kwa Afrika” na rais wa Rwanda, Paul Kagame, aliambia mkutano kuwa ni “heshima kubwa”.
Ilikuwa wiki nzuri kwa Kagame ambaye alitunukiwa, pamoja na Mfalme Mohammed VI wa Morocco, tuzo ya mafanikio bora na Shirikisho la Soka la Afrika (Caf).
Viongozi wote wawili walisifiwa kwa uwekezaji uliofanyika katika soka la nchi zao, huku Caf ikitaka kuangazia kazi yao ili kuwatia moyo wengine.
