Kajugujugu y’igisirikire cya Uganda kirwanira mu kirere yituye hasi ku mugoroba wo kuri uyu wa 29 Nyakanga 2023 ubwo yari mu bikorwa byo kurinda umutekano mu karere ka Karamoja.
Umuvugizi wa UPDF, Brig. Gen. Felix Kulayigye, mu itangazo yashyize hanze kuri uyu wa 30 Nyakanga, yasobanuye ko iyi ndege yo mu bwoko bwa Mi-24 yituye mu gace ka Nadiket, mu bilometero 5.3 uvuye ku kigo cya gisirikare cya Moroto.
Uyu musirikare yasobanuye kandi ko abantu bane bari muri iyi ndege barimo umupilote umwe nta kibazo bagiriye muri iyi mpanuka, kandi ko ahantu yaguye harinzwe mu gihe hari gukorwa iperereza.
Abaturage baturiye ahabereye iyi mpanuka babujijwe kuhegera.
