Kuri uyu wa Mbere, undi musirikare mukuru wa FARDC, Colonel Serge Makoko Bwanamoya, wo muri Batayo y’Ingabo zirinda Perezida, yoherejwe muri Gereza ya Ndolo, kandi dosiye ye yamaze gushyikirizwa umushinjacyaha mukuru.
Amakuru amaze kujya ahagaragara agera kuri Bwiza avuga ko akurikiranweho ibyaha byinshi bikomeye birimo: kugirana ibiganiro kuri telefone n’umwe mu bagize AFC / M23, hamwe no kunanirwa kubimenyesha nkana; kugerageza guhungabanya umutekano w’igihugu; gutangaza amakuru akomeye ajyanye n’ibikorwa by’Umugaba w’Ikirenga.
Arashinjwa kandi gutunga, kuri telefone ye, amashusho yerekeranye n’iyicwa ry’abakuru b’ibihugu byinshi, barimo Thomas Sankara, Saddam Hussein, Laurent-Désiré Kabila, na Samuel Doe, n’abandi, no gukwirakwiza ibitabo bishyigikira cyangwa biteza imbere guhirika ubutegetsi.
Aba basirikare bakuru ba FARDC bamwe bakomeje gutabwa muri yombi bashinjwa guhunga umwanzi ku rugamba, mu gihe abandi bivugwa ko bafatwa mu rwego rwo kurwanya abacengezi, ubugambanyi no gushaka guhirika ubutegetsi muri FARDC.
