Kuri uyu wa Mbere, tariki ya 2 Nzeri 2024, Perezida Félix Tshisekedi, yagiranye inama na mugenzi we w’Ubushinwa Xi Jinping i Beijing mu nama ya 2024 y’ihuriro ry’ubufatanye bw’Ubushinwa na Afurika, FOCAC, (Summit of the Forum on China-Africa Cooperation).
Tshisekedi yahuye na Xi Jinping maze impande zombi zemeranya ubufatanye mu bucuruzi, ubuhinzi, amhhugurwa, n’ububanyi n’amahanga no gukomeza ubucukuzi bw’amabuye y’agaciro. Ibi ngo bikaba bitanga ishusho y’imikoranire myiza y’ Ubushinwa na DRC ndetse na Afurika.
Perezida Félix Tshisekedi yagize ati: “Nifuzaga gushimangira ubwitange bwa DRC muri politiki imwe n’u Bushinwa.”
Tshiseked yashimangiye ko kandi Tayiwani ari kimwe mu bice by’ubutaka bw’Ubushinwa. Ni mu gihe iyi Ntara ya Taiwan yifata nka leta yigenga, mu gihe Ubushinwa buyifata nk’intara yabwo yabwikuyeho.
Tshiseked avuga ko DRC igiye gukaza umubano n’u Bushinwa, mu gihe izi mpande zombi zisanzwe zifitanye amasezerano ashingiye ku bucukuzi bw’amabuye y’agaciro.
Kugeza ubu kompanyi nyinshi z’u Bushinwa zifite amasoko yo gucukura amabuye y’agaciro.
Ubushinwa Kandi buri mu bihugu Congo ikunda kuguramo intwaro ikoresha mu Gisirikare cyayo. Leta ya Congo yagiye yigamba ko izizana kugirango igikoreshe ihangana n’umutwe w’abarwanyi ba M23 bahereteye mu Burasirazuba bwa Congo.
