Umutwe wa M23 kuri uyu wa Kane wigaruriye agace ka Kahira, nyuma y’imirwano yawusakiranyije n’inyeshyamba za Wazalendo zishyigikiwe na Guverinoma ya Congo.
Kuva mu rukerera rwo kuri uyu wa Kane impande zombi zarimo zirwanira mu duce twa Kibarizo-Kahira ndetse n’ahitwa Butare.
Amakuru avuga ko mu ma saa yine n’igice ari bwo M23 yigaruriye agace ka Kahira ko muri Teritwari ya Masisi mu ntara ya Kivu y’Amajyaruguru.
Mu masaha yakurikiyeho uyu mutwe bivugwa ko wanirukanye Wazalendo mu gace ka Buhimba gaherereye ku kilometero kimwe uvuye Kahira.
Amakuru avuga ko nyuma yo gutatanya ziriya nyeshyamba, M23 ifite gahunda yo gucamo kabiri umuhanda uhuza imijyi ya Masisi na Sake.
