Mwisho wa wiki iliyopita, Mahakama ya Kati ya Gasabo ilisoma hukumu ya kesi dhidi ya mfanyakazi wa nyumbani aliyeshtakiwa kwa kujaribu kuwalisha sumu watu wa familia aliyokuwa akiwafanyia kazi kwa kuweka sumu kwenye maziwa. Alihukumiwa kifungo cha miaka 15 jela.
Kosa hilo lilifanyika tarehe 7 Mei 2025, katika Wilaya ya Bugesera, Tarafa ya Nyamata, Kata ya Maranyundo. Msichana huyo, ambaye alikuwa amefanya kazi kwa miaka mitatu kwenye familia hiyo, aliweka kemikali ya kusafishia mazizi ya ng’ombe (RABTRAZ 12.5% EC) kwenye maziwa yaliyokusudiwa kunywewa na familia.
Kulingana na taarifa ya Ofisi ya Mwendesha Mashtaka Mkuu, msichana huyo alikiri kuwa nia yake ilikuwa ni kuwawekea sumu watu wa familia hiyo ili awaibe wakiwa hoi.
Mahakama ilimkuta na hatia ya jaribio la kuwapa watu sumu, na ikamhukumu kifungo cha miaka 15 gerezani.
Mahakama ilikumbusha pande zote kwamba kuna haki ya kukata rufaa ndani ya kipindi cha mwezi mmoja tangu hukumu isomwe.
