Ibirindiro by’inyeshyamba za AFC / M23 i Burora, umujyi munini wo muri Guruoma ya Banyungu muri Teritwari ya Masisi iherereye muri Kivu y’Amajyaruguru, byibasiwe n’igitero cy’indege cya FARDC mu ijoro ryo ku Cyumweru, rishyira kuri uyu wa Mbere, itariki ya 14 Ukuboza.
Nk’uko amakuru aturuka muri kariya gace abitangaza ngo drone y’ingabo za Congo, yagaragaye mu kirere cyo muri ako gace, yateye ibisasu ku nkambi y’inyeshyamba yashinzwe mu cyumweru gishize i Burora. Inkambi ngo yasenyutse.
Mu byumweru bibiri bishize nk’uko inkuru dukesha ACTUALITE.CD ikomeza ivuga, ibirindiro by’inyeshyamba za AFC / M23 muri Teritwari ya Masisi byibasiwe n’ibitero by’indege bya FARDC. Igitero cya Burora gikurikira icya Nyabiondo, Masisi-Centre, Bukombo, na Katale.
Nubwo ibitero by’indege byakomeje kwibasira ibirindiro by’inyeshyamba za AFC / M23 zo zakomeje kugenzura ibyo bice byose byavuzwe haruguru.
