Mason Greenwood umusore w’Umwongereza wakiniye ikipe ya Manchester United igihe gito , ashobora kwisanga yakiniye ikipe y’Igihugu ya Jamaica nyuma yo kuba asa n’uwatakarijwe icyizere mu Bwongereza.
Umutoza w’ikipe y’igihugu ya Jamaica (Reggae Boys), ubwo yaganiraga n’itangazamakuru, yatangaje ko yifuza kubona Mason Greenwood mu mwambaro w’ikipe atoza kuko uyu musore yanyuze mu bizazane bitatuma asubizwa icyizere aho ari.
Ni nyuma y’uko yatawe muri yombi acyekwaho gufata ku ngufu no gukubita nyuma yuko hatangajwe ibirego ku mbuga nkoranyambaga, ariko aza guhanagurwaho ibyaha nyuma y’amezi atandatu hakorwa iperereza.
Yakinnye umukino we wa mbere muri United mu kwezi kwa gatatu mu 2019 – mu kwezi kwa kabiri mu 2021 yasinye kontaro y’imyaka ine akinira iyi kipe, nyuma yuko azamutse avuye mu ishuri ryigisha umupira rya United.
Kugeza ubu yatijwe mu gihugu cya Espagne mu ikipe ya Getafe.
