Wiki hii, watumiaji wa mitandao ya kijamii nchini Kenya walisambaza video zinazoonyesha mchungaji James Maina Ng’ang’a akiwatoza Wakristo shilingi 1,000 za Kenya (takriban 10,000 Frw) baada ya kuwapa chupa za maji wakati wa ibada.
Mchungaji James Maina Ng’ang’a, kiongozi wa kanisa la Neno Evangelism Center lililoko Nairobi, alitoa chupa za maji kwa waumini wakati wa mahubiri yake. Hata hivyo, waumini walishangaa alipowaambia kila mmoja atalipa shilingi 1,000 za Kenya kwa maji hayo.
Baada ya ibada, mchungaji aliwaambia waumini kwamba yeyote aliyepewa maji anamdai pesa na lazima alipe. Ikiwa hana pesa taslimu, alitakiwa kuvua viatu vyake na kumpa mchungaji.
Alisema: “Huwezi kunywa maji yangu bure. Kama huna pesa, niletee viatu vyako. Kama huna hata hivyo, usikae mbele, nenda ukae nyuma.”
Katika video iliyosambaa kwenye mitandao ya kijamii, waumini wanaonekana wakimpa mchungaji pesa za maji bila kujua wangelipishwa.
Mchungaji James anajulikana kwa matukio ya utata. Mnamo tarehe 26 Julai 2015, alikamatwa baada ya kusababisha ajali mbaya iliyomuua mtu mmoja na kumjeruhi mwingine. Ajali hiyo ilitokea wakati alikuwa akiendesha gari akiwa amelewa.
