Ubwami bwa Joradania bwatangaje ko
abaturage b’aba Joradania bari mu bitabiriye umutambagiro mutagatifu i Mecca bapfuye kuwa Gatandatu bishwe n’ubushyuhe bukabije. Croissant Rouge yo mu Gihugu cya Iran nayo yatangaje ko Abanya Iran 5 nabo bapfuye.
Ubuyobozi bwa Arabia Saoudite nabwo bwemeje ko abo banya Jordania bari mu rugendo nyobokamana rwa Hajj i Mecca, bishwe n’ubushyuhe bwari bwageze hagati ya dogere Celsius 43 na 48 .
Minisiteri y’Ububanyi n’amahanga mu Bwami bwa Jordania yatangaje ko kuwa Gatandatu tariki ya 15 Kamena 2024 aribwo hamenyekane urupfu rw’abanya Jordania bagera kuri batandatu bari mu rugendo rutagatifu ku musozi Arafat,bishwe n’ubushyuhe bwari Kuri gipimo cya Dogire silisiyusi 47 ( Degre Celsius)
Kuri iki cyumweru hatangajwe abanya Jordania bapfiriye mu mutambagiro mutagatifu ku musozi wa Arafat bagera kuri 14.
Mu rwego rwo guhangana n’ubushyuhe bukabije buzakomeza kwiyongera mu minsi itanu bakora umutambagiro mutagatifu abayitabiriye bagwiriwe inama yo kwitwaza umutaka ndetse no kugabanya ubushyuhe bisukaho amazi .
Urwego rw’Ubuzima muri Arabia soudithe rwohereje ahakorerwa urugendo Rutagatifu abakozi bo mu Nzego z’ubuzima ndetse n’abakorerabushake bahawe inshingano zo gukorera ubutabazi bw’ibanze aba bayisiramu bitabiriye urugendo Rutagatifu.
Uyu mwaka abasiramu bari mu rugendo Rutagatifu muri Arabia soudithe barenga miriyoni n’igice .
