Ihuriro Alliance Fleuve Congo ribarizwamo imitwe ya M23 na MRDP Twirwaneho, ryamaze kugena ko igice cy’ahazwi nko mu Minembwe mu ntara ya Kivu y’Amajyepfo kigomba guhinduka Teritwari.
Minembwe mu busanzwe yabarizwaga muri Segiteri ya Lulenge, muri Teritwari ya Fizi iri mu zigize intara ya Kivu y’Amajyepfo.
Icyemezo cyo kuyigira Teritwari cyafashwe mu rwego rwo kwegera abanye-Congo bo mu bwoko bw’Abanyamulenge no gushyira iherezo ku bwicanyi n’ihezwa bamaze imyaka myinshi bakorerwa n’ubutegetsi bwa Repubulika Iharanira Demokarasi ya Congo.
Amakuru avuga ko Lt. Col Charles Gikwerere ari we wamaze kugirwa umuyobozi w’iriya Teritwari nshya.
