Biteganijwe ko Minisitiri w’intebe Édouard Ngirente azitaba inteko ishinga amategeko ku wa kane w’icyumweru gitaha aho azamurika gahunda ihari yo kuzahura ubukungu bw’igihugu.
Mu ibaruwa yanditse mu ntangiriro z’uku kwezi, Ngirente yasabye abavuga rikijyana bombi kumuha umwanya wo kwerekana ibikorwa bya guverinoma bijyanye no kuzahura ubukungu.
Yanditse ati: “Nishimiye kubasaba kumpa umwanya kugira ngo mbashe kugeza ku mitwe yombi y’inteko ishinga amategeko ibikorwa bya guverinoma bigamije kuzamura ubukungu hibandwa ku nganda.”
Kwitabira kwe byari biteganijwe kuri uyu wa kane ushize, itariki 18 Werurwe mbere yuko byimurirwa ku ya 25 Werurwe kubera indi mirimo.
Biteganijwe ko ikiganiro cya Ngirente kizagaragaza aho ikigega kigeze cyo kuzahura ubukungu cya miliyari 100 z’Amanyarwanda cyatangijwe muri Kamena umwaka ushize.
Mu mpera za 2020, guverinoma yasuzumye ingingo n’ibisabwa kugira ngo ibigo by’ibanze byemerewe kwakira iki kigega kugira ngo umubare w’abashoramari baho bemerewe inkunga nyuma y’amakuru avuga ko ari make.
Mu mpera z’umwaka wa 2020, guverinoma yavuguruye ingingo n’amabwiriza bikurikizwa ku bigo byo mu gihugu byujuje ibisabwa kugirago bihabwe inkunga hagamijwe kongera umubare wa business z’imbere mu gihugu nyuma y’amakuru avuga ko abitabiriye ari bake.
Biteganijwe kandi ko Minisitiri w’Intebe azagaragaza ibibazo urwego rw’inganda rufite nubwo rufatwa nk’ingenzi mu kuzamura ubukungu no kuzana impinduka.
Muri byo harimo kubura abakozi bafite ubuhanga, umusaruro muke, igiciro kinini cy’ibikoreshofatizo no kubona igishoro.
Nk’uko tubikesha The New Times, imibare yaturutse muri RDB yerekana ko inganda zo mu gihugu zitanga 11 ku ijana gusa ku isoko ry’isukari, 4 ku ijana by’inkwi, 10 ku ijana by’imyambaro, na 18 ku ijana by’amasoko ya plastiki. Amasoko y’ibigori n’umuceri ahabwa 35 ku ijana na 45 ku ijana.
Inganda nyinshi zo mu gihugu zitanga 30-50 ku ijana ugereranije n’ubushobozi bwazo. Bamwe ndetse bajya munsi ya 30%, nk’aho ufashe nk’umuceri, n’inganda 25 mu gihugu cyose, zitanga hafi 25%.
Mu gihe igihugu cyari kigikomeje guhangana n’izi mbogamizi, icyorezo cya Covid-19 cyinjiyemo, giteza ibibazo byinshi ku nganda, ibigereranyo byerekana ko ibyavaga muri uru rwego byagabanutse ku gipimo cya 19% mu gice cya mbere cya 2020.
Ubwo icyorezo cya Covid-19 cyadukaga, inganda nyinshi zafunze by’agateganyo mu gihe izindi zifite ubushobozi buke, cyane cyane ibigo bivuka nk’ibigo bito n’ibiciriritse, byahagaritswe burundu.
Kurikira ibiganiro n’amavidewo binyura kuri Bwiza TV
