Umuyobozi w’Akarere ka Ngororero, Nkusi Christophe ari kumwe n’Itsinda ririmo abakozi bakora mu Mushinga CERC-MINEMA, abakozi b’Umurenge wa Kabaya, Police na DASSO, kuwa Gatatu basuye amazu yubakiwe abasenyewe n’ibiza mu byiciro bitatu ndetse hanagaragazwa aho imyiteguro yo kubonera icumbi abo mu cyiciro cya 4, mu Murenge wa Kabaya.
Hatanzwe inama zigamije gusoza imirimo imwe n’imwe itararangira ku byiciro byabanje ndetse no gukomeza kwitegura neza icyiciro gikurikiyeho.
Umuyobozi w’Akarere wungirije ushinzwe iterambere ry’Ubukungu Bwana Uwihoreye Patrick yakurukiranye iki gikorwa mu murenge wa Nyange aboneraho no kubonana n’abacuruzi mu bukangurambaga bwo kwishyura imisoro n’amahoro.
Ari kumwe n’itsinda rigizwe n’abakozi b’Ikigo cy’Igihugu cy’Imisoro n’Amahoro n’umuyobozi w’ishami ry’imari Bwana UWINGOGA Christophe basuye umurenge wa Nyange mu rwego rw’ibukanguramba ku kwishyura imisoro n’amahoro.
Uyu muyobozi kandi n’abayobozi b’Umurenge baganiriye ku mahoro atandukanye yinjira mu Murenge wa Nyange maze hafatwa ingamba zo kongera amafaranga y’isoko ry’amatungo no gukurikirana isosiyete ya STECOL ikoresha kariyeri kugirango yishyure inyemezabuguzi yatanzwe na RRA.
