Perezida wa Kenya, William Ruto, yemeje ko yabonanye na mugenzi we w’u Rwanda, Paul Kagame, mu Bushinwa, bagirana ibiganiro ku kunoza umubano w’ibihugu byombi no kuri kandidatire ya Odinga ku buyobozi bwa Komisiyo ya AU.
“U Rwanda n’umufatanyabikorwa ukomeye kandi w’ingamba za Kenya. Dusangiye umubano ushingiye kuri dipolomasi, amateka n’umuco. Ibihugu byacu ni ibinyamiryango by’Umuryango wa Afurika y’Iburasirazuba, cyane cyane mu kwishyira hamwe kw’akarere, n’ibifatanyabikorwa mu bucuruzi n’imibanire y’abaturage ku bandi baturage”.
Perezida wa Kenya, William Ruto, yatangaje ibi abinyujije kuri X kuri uyu wa Gatatu, aho we na mugenzi we w’u Rwanda, Paul Kagame, bahuriye mu rewgo rw’Inama ihuza Afurika n’u Bushinwa.
Yakomeje agira ati: “Nahuye na Perezida Paul Kagame w’u Rwanda i Beijing, mu Bushinwa, maze tuganira ku kurushaho kunoza umubano wacu ndetse na kandidatire ya Rt Hon. Raila Odinga ku mwanya wa Perezida wa Komisiyo y’Umuryango wa Afurika Yunze Ubumwe”.
Rwanda is a strong ally and strategic partner of Kenya. We share diplomatic, historical and cultural ties. Our two nations are also committed members of the East African Community, especially on regional integration, trade and people to people relations.
Met President… pic.twitter.com/R0cBOv4xo5
— William Samoei Ruto, PhD (@WilliamsRuto) September 4, 2024
