Rais Paul Kagame, ambaye kwa sasa yuko Algiers nchini Algeria, ametembelea chuo kikuu cha serikali kinachofundisha Akili Bandia (Artificial Intelligence) kiitwacho ENSIA.
Rais alitembelea chuo hicho siku ya Jumanne, tarehe 3 Juni, ikiwa ni siku ya kwanza ya ziara yake rasmi nchini humo.
Chuo hicho anachokitembelea Rais Kagame kinawakaribisha wanafunzi watano wa Rwanda wanaosomea fani mbalimbali hapo.
Picha zilizotolewa na Ofisi ya Rais zinaonyesha Rais Kagame akiwa pamoja na wanafunzi wote watano wa Rwanda katika chuo hicho.
Picha nyingine zinaonyesha Rais akitembelea maeneo mbalimbali ya taasisi hiyo huku akielezewa jinsi shule hiyo inavyofanya kazi.
ENSIA (Shule ya Kitaifa ya Algeria ya Akili Bandia) inatoa masomo ya shahada ya uzamili (Master’s) na uzamivu (PhD) katika Akili Bandia na Sayansi ya Takwimu (Data Science).
Ni taasisi ya kwanza kwa ubora katika fani hiyo nchini Algeria.
