Abarwanyi ba b’umutwe wa FRPI ( Force de resistance patriotique de l’Ituri) barishwe abandi 9 bafatwa mpiri mu bitero byabashyamiranyije n’abasirikare ba FARDC yabereye Ituri.
Aya makuru yemejwe kuri uyu wambere tariki ya 15 Gashyantare 2016 na Colonel Chico Citambo umukuru w’ingabo za FARDC wungirije mu gace ka Ituri.
Kuva kuwa gatandatu w’icyumweru gishize ingabo za FARDC zari zirundanyije muri chefferie ya Walendu Bindi mu birometero 60 uvuye mu majyepfo ya Bunia. Nta kindi izi ngabo zari zigamije uretse gutegura ibitero byo guhangana n’inyeshyamba za FRPI zari zakambitse muri ako gace.
Amakuru aturuka mu nzego z’umutekano avuga ko ingabo za FARDC zagabye ibitero bibiri icyarimwe mu birindiro bibiri bya FRPI muri Village ya Arava ndetse ni ku musozi wa Alimo.
Iyi mirwano yatumye abarwanyi ba FRPI batabasha kwisuganya muri iyi zone y’imirwano bizakuviramo abarwnyi batanu kwicwa naho abandi icyenda bafatwa mpiri.
Col Chico Citambo avuga abafashwe mpiri bahise boherezwa I Bunia kugira ngo babazwe iby’ibitero barimo.
Umutegetsi uyoboye gurupoma ya Bukiringi Roger Adirodu yemeje aya makuru y’imirwano ndetse anavuga ko iyi mirwano yatumye imiryango imwe y’abaturage bahunga aka gace bahungira mu gace gaturanye n’aka ka Sorodo.
Kanda hano ujye ubona amakuru yihuse kandi kugihe kuri Facebook no kuri twitter
Alphonse Munyankindi / Bwiza.com
