Imidugudu ya Ndurumo na Kinyaongo, iherereye muri Gurupoma ya Bashali Mokoto, muri Sheferi ya Bashali, no muri Gurupoma ya Bapfuna, mu Murenge wa Osso Banyungu (Teritwari ya Masisi) muri Kivu y’Amajyaruguru, yafashwe n’ingabo za AFC / M23 kuri uyu wa Mbere, itariki 15 Nzeri, nyuma yo kurwana na Wazalendo.
I Ndurumo, hafi ya Lukweti, imirwano yatangiye ku Cyumweru yarakomeje kugeza ku wa Mbere mu gitondo. Iyi mirwano kandi yagaragaye no muri Kinyaongo, hafi ya Kishee.
Amakuru agera kuri ACTUALITE.CD aturuka mu turere tw’imirwano yerekana ko abarwanyi ba AFC/M23 bigaruriye iyi midugudu yombi nyuma yo kwirukana inyeshyamba za Wazalendo.
Kuri ubu umutuzo uragaragara ahabereye imirwano. Abenshi mu baturage bo muri utwo duce twabereyemo intambara bari bahungiye mu tundi dufite umutekano kugira ngo birinde gufatirwa hagati y’abarwana.
