Ihuriro ry’imitwe ya politiki Front Commun pour le Congo (FCC), urubuga rwa politiki rwashinzwe n’ishyaka Parti du peuple pour la reconstruction et la démocratie (PPRD) kuri uyu wa Gatatu ryamaganye ryivuye inyuma ishimutwa rya Emmanuel Ramazani Shadary, wafatiwe mu gitondo iwe i Kinshasa n’abantu bitwaje imbunda akajyanwa ahantu hatazwi.
Mu itangazo ryayo, FCC yavuze ko yamenye kandi yatangajwe n’ifatwa rye, mu rukerera, n’abantu bitwaje imbunda nta cyemezo cyangwa izindi nyandiko zemewe, zo guta muri yombi Shadary wahoze ari umudepite w’igihugu, wahoze ari minisitiri w’intebe wungirije, umunyamabanga uhoraho wa PPRD, akaba n’umwe mu bagize biro politiki ya FCC.
Emmanuel Ramazani Shadary, wavutse mu 1960, yanabaye kandi umukandida mu matora ya perezida yo mu Kuboza 2018, yagejeje Tshisekedi ku butegetsi.
Iri huriro ry’uwahoze ari perezida, Joseph Kabila, ryamaganye byimazeyo iki gikorwa ryise iterabwoba ku bayobozi b’abatavuga rumwe n’ubutegetsi muri rusange, ndetse n’abayoboke n’abayobozi baryo by’umwihariko, kandi risaba ko uyu muyobozi arekurwa bidatinze.
