RIB yafunze abapadiri n’abanyeshuri bashinjwa kwica umuseminari

Urwego rw’Igihugu rw’Ubugenzacyaha, RIB, rwataye muri yombi abapadiri Babiri n’abaseminari (Abanyeshuri biga mu iseminari) bashinjwa urupfu rw’umuseminari.

Abatawe muri yombi ni Padiri Nkomejegusaba Alexandre, ushinzwe Umutungo, na Padiri Mbonigaba Jean Bosco n’abaseminari Babiri bashinjwa kugira uruhare mu rupfu rwa mugenzi wabo.

Aba bose bafunzwe Tariki ya 16 Kamena 2024 na RIB aho bashinjwa kugira uruhare mu rupfu rw’umuseminari, Shema Christian.

Bikekwa ko uyu museminari yapfuye azize gukubitwa na bagenzi be biganaga muri Petit Seminaire Saint Kizito Zaza.