Kikao cha Bunge la Seneti kimeidhinisha mapendekezo yake kuhusu rasimu ya bajeti ya serikali ya mwaka wa fedha 2025/2026, pamoja na mkakati wa matumizi ya muda wa kati wa 2025/2026 – 2027/2028.
Vipaumbele vya kuzingatiwa katika bajeti ya 2025/2026 ni pamoja na:
Kuongeza bajeti ya kilimo ili kusaidia kufanikisha malengo ya kitaifa ya maendeleo;
Kuongeza bajeti ya nishati ili kufikia lengo la kuwa na umeme kwa wote;
Kuongeza bajeti ya kusaidia sekta binafsi na kukuza ajira kwa vijana, na hivyo kuvutia uwekezaji wa binafsi katika miradi mbalimbali;
Kutoa fedha kwa ajili ya kuimarisha, kujenga na kukarabati maeneo ya kumbukumbu ya mauaji ya kimbari dhidi ya Watutsi mwaka 1994;
Kuongeza bajeti kwa wilaya za Nyamagabe, Gisagara, Rutsiro, Kamonyi, Karongi, na Kayonza ili kuharakisha mipango ya kupunguza umaskini.
Kwa ujumla, Seneti imebaini kuwa bajeti hiyo imeandaliwa kwa kuzingatia dira ya taifa kama ilivyoainishwa katika Mkakati wa Kitaifa wa Mageuzi (NST2), na imegawanywa katika maeneo yanayosaidia utekelezaji wa misingi ya Katiba ya Rwanda, hasa kifungu cha 10.
Mapendekezo hayo yatapelekwa kwenye Bunge la Wawakilishi kama sheria inavyotaka.
