Abasirikare batandatu ba Leta ya Somalia ndetse n’umunyamakuru ufata amashusho kuri uyu wa Gatatu bishwe abandi 13 barakomereka ubwo intagondwa za Al Shabab zagabaga igitero ku kigo cya gisirikare kiri hafi y’umurwa mukuru nk’uko byemejwe n’abayobozi.
Abategetsi ba Somalia batangaje ko imodoka yari itezemo igisasu yaturikiye ku nkambi iri mu mujyi wa Awdhegle, mu birometero 70 ugana mu majyepfo ya Mogadishu.
Iyi nkuru dukesha Ijwi rya Amerika ikaba ivuga ko abarwanyi ba Al Shabab bahise batera icyo kigo cya gisirikare bakarasana n’ingabo za leta mbere yo gusubizwa inyuma.
Al Shabab ikaba yigambye ko yishe abasirikare bal eta 50 mu gihe Umuyobozi w’Intara ya Lower Shabelle, Ibrahim Adan Najah yatangaje ko abarwanyi 23 ba Al Shabab bahasize ubuzima bishwe n’ingabo za leta.
