Minisitiri w’Intebe Hamza Abdi Barre yatangaje ivugurura rikomeye muri za minisiteri, ashyiraho abayobozi bashya mu myanya ikomeye ya guverinoma mu gihe Somaliya igenda ikemura ibibazo bya politiki n’umutekano.
Jibril Abdirashid Haji Abdi yagizwe Minisitiri w’Intebe wungirije wa kabiri, mu rwego rwo gukomeza ikipe. Uyu munyapolitiki w’inararibonye, Abdirashid, mbere yabaye Minisitiri w’ubucuruzi n’inganda.
Abdisalam Abdi Ali yagizwe Minisitiri w’Ububanyi n’Amahanga n’Ubutwererane Mpuzamahanga, asimbuye Ahmed Moallim Fiqi. Ali mbere yabaye Minisitiri w’Intebe wungirije na Minisitiri w’imirimo rusange nk’uko iyi nkuru dukesha urubuga hiiraan.com rwo muri Somalia ivuga.
Ahmed Moallim Fiqi wari muri Minisiteri y’ububanyi n’amahanga, ubu yagize Minisitiri w’Ingabo. Fiqi afite ubunararibonye mu by’umutekano kuko yayoboye Ikigo cy’Igihugu gishinzwe Iperereza n’Umutekano muri Somalia (NISA) kandi yabaye mu myanya nka Minisitiri w’umutekano na Ambasaderi muri Sudani.
