Kuri uyu wa Kane, Perezida wa Tanzania, Samia Suluhu Hassan, yagize Mwigulu Nchemba wahoze ari minisitiri w’imari, minisitiri w’intebe mushya, nyuma y’amatora atavugwaho rumwe yo mu kwezi gushize.
Biteganijwe ko inteko ishinga amategeko iza kwemeza ishyirwaho rye mu matora aba ku gicamunsi cyo kuri uyu wa Kane cyane ko Hassan yatangajwe ko yatsinze amatora yo ku itariki ya 29 Ukwakira.
Abatavuga rumwe n’ubutegetsi bavuga ko guverinoma ya Hassan yakoze uburiganya mu matora, yabayemo imyigaragambyo y’urugomo kubera guhezwa kw’abamurwanyaga b’ingenzi.
