Mnamo Jumatatu, tarehe 16 Juni, serikali ya Togo imesitisha kwa miezi mitatu matangazo ya vituo vya kimataifa vya habari vinavyofadhiliwa na serikali ya Ufaransa, RFI na France24, kwa madai ya upendeleo.
Hatua hii imekuja wakati mvutano wa kisiasa ukiendelea kuongezeka kati ya Rais Faure Gnassingbé na upinzani nchini humo.
Mwezi Mei, Gnassingbé alichukua nafasi mpya ya kuwa rais wa Baraza la Mawaziri la kudumu, wadhifa usio na kikomo cha muhula.
Vyama viwili vya upinzani, Democratic Forces for the Republic na National Alliance for Change, vilitaja hatua hiyo kuwa ni “mapinduzi ya kikatiba” yanayomuwezesha rais kubaki madarakani maisha yake yote.
RFI na France24 walikuwa wakiripoti maandamano ya wapinzani waliokuwa wakipinga marekebisho ya katiba yaliyompa Gnassingbé mamlaka mapya.
