U Rwanda rwitabiriye inama y’abayobozi bakuru ba Koreya na Afurika (SOM) ya 2025 yateguwe na Minisiteri y’Ububanyi n’Amahanga ya Repubulika ya Koreya umwanya w’ingenzi wo gutekereza ku ntambwe imaze guterwa kuva haba inama ya 2024 ya Koreya na Afurika ndetse no kwerekana intambwe zigomba gukurikira mu nzira igana imbere.
Uhagarariye u Rwanda, Virgile Rwanyagatare, Umuyobozi mukuru ushinzwe Aziya, Pasifika, n’Uburasirazuba bwo Hagati muri Minisiteri y’Ububanyi n’Amahanga n’Ubutwererane Mpuzamahanga, yashimangiye ko u Rwanda rukomeje kwiyemeza kurushaho kunoza ubufatanye na Koreya no guteza imbere icyerekezo gihuriweho cy’ubufatanye bukomeye, butanga inyungu hagati ya Afurika na Repubulika ya Koreya.
“Ibiganiro byashimangiye ko twiyemeje gufatanyiriza hamwe guhindura intego mu bikorwa bigamije guhanga udushya, iterambere rirambye, ndetse n’iterambere rideheza binyuze mu bufatanye bukomeye bwa Koreya na Afurika.
U Rwanda ruvuga ko rukomeje gushikama mu kubaka ubufatanye bushingiye ku byo rushyira imbere, ari byo iterambere, no kwizerana.
