U Rwanda n’u Bushinwa ku wa Gatatu tariki ya 17 Nzeri, byasinyanye amasezerano y’imikoranire mu bijyanye n’igisirikare.
Aya masezerano yasinyiwe i Beijing mu Bushinwa, ahabereye inama yahuje Minisitiri w’Ingabo z’u Rwanda, Juvenal Marizamunda na mugenzi we w’Ingabo z’u Bushinwa Admiral Dong JUN.
Minisitiri Marizamunda mu Bushinwa yahitabiriye ihuriro rya 12 rya Beijing Xiangshan Forum.
Ubuyobozi bw’Ingabo z’u Rwanda bwagaragaje ariya masezerano nk’intambwe ikomeye mu mubano ushingiye ku bufatanye hagati y’ibihugu byombi.
U Rwanda n’u Bushinwa bisanzwe bifatanya muri byinshi mu bijyanye n’igisirikare.
Igisirikare cy’u Bushinwa giha amahugurwa atandukanye abakozi ba RDF mu ngeri zitandukanye. Nibura abakozi ba RDF basaga 300 barimo n’abasirikare bakuru, bize amashuri ya gisirikare mu Bushinwa.
